ایران سے جنگ میں امریکہ کا دو ارب ڈالر کا فوجی سامان تباہ ہو چکا: رپورٹ

اس میں سب سے اہم نقصان امریکہ کے ایک ریڈار سسٹم (AN/FPS-132) کی تباہی ہے جو قطر کے العدید فوجی اڈے پر نصب تھا۔

دوسرا نقصان امریکہ کو تین جہازوں کی تباہی کی صورت میں اٹھانا پڑا ہے جو اتوار کو کویت نے غلطی سے گرا دیے۔

ایران نے بحرین میں امریکہ کے بحری اڈے کو بھی نشانہ بنایا تھا۔ وہاں مواصلاتی نظام اور کئی عمارتیں تباہ ہوئی ہیں۔ انادلو ایجنسی کے مطابق جن سیٹیلائٹ کمیونیکیشن ٹرمنلز کو تباہ کیا گیا ان کی مالیت دو کروڑ ڈالر کے قریب تھی۔

ان تمام نقصانات کو یکجا کیا جائے تو یہ 1.9 ارب ڈالر کی خطیر رقم بنتی ہے۔ حملوں میں اس سے علاوہ بھی نقصانات ہوئے ہیں۔

ایران نے اب تک مشرق وسطیٰ میں سات امریکی فوجی اڈوں پر حملے کیے ہیں۔ کویت میں واقع السلام ایئر بیس کی تصاویر سے معلوم ہوا ہے کہ مختلف مقامات پر چھتیں گری ہیں۔ کویت کے ہی کیمپ عارفجان میں چھ امریکی فوجی مارے گئے۔

عراق میں واقع اربیل ہوائی اڈے کے قریب امریکی تنصیبات پر بھی ایران نے حملے کیے اور سیٹیلائٹ تصاویر سے معلوم ہوا ہے کہ وہاں چار اسٹرکچرز کو یا تو نقصان پہنچا ہے یا وہ تباہ ہو گئے ہیں۔

اس کے علاوہ سعودی عرب، کویت اور متحدہ عرب امارات میں امریکہ کا سفارتی مشنز کو بھی حملوں کا نشانہ بنایا گیا۔ یہاں بھی معمولی نقصانات ہوئے ہیں۔