پاکستان کی حکومت نے 15 ستمبر سے ستائس ستمبر تک نو سے چودہ سال کی عمر کی بچیوں کو ایچ پی وی ویکسین لگانے کی کیمپئن شروع کی ہے تاکہ انھیں بچہ دانی سے جڑے سرویکل کینسر سے بچایا جا سکے۔
سرویکل کینسر دنیا بھر میں خواتین میں کینسر سے ہونے والی اموات کی چوتھی سب سے بڑی وجہ ہے اور پاکستان میں یہ بریسٹ کینسر کے بعد سب سے عام ہے ۔پاکستان میں ہر سال اندازاً پانچ ہزار خواتین سرویکل کینسر کا شکار ہوتی ہیں اور ان میں سے تین ہزار خواتین اپنی جان سے ہاتھ دھو بیٹھتی ہیں۔
ایک تحقیق میں یہ بات بھی سامنے آئی کہ 41.2 فیصد خواتین کو سرویکل کینسر کے بارے میں نہیں معلوم کہ یہ کیا ہے۔
پاکستان کی حکومت کی جانب سے شروع کی گئی ایچ پی وی ویکسیشن مہم میں صرف نو سے چودہ سال کی عمر کی بچیوں کو ہی ویکسسین کیوں لگائی جارہی ہے؟ اور اس ایچ پی وی (وائرس) سے بننے والا بچہ دانی سے جڑا سرویکل کینسر کیا ہے؟ جانیے اقرا حسین کی ویڈیو میں۔۔۔
ویڈیو ایڈیٹنگ: سید حمزہ علی
یہ بھی پڑھیں:
#پاکستان
#صحت
##ویکسین
